رئيس مجلس الإدارة
طارق لطفى
رئيس التحرير
أحمد سليمان
- صحيفة اسبانية: زيدان على بعد خطوة لتدريب بايرن ميونخ
- أشرف زكى ورزق يودعان عمدة الدراما المصرية فى مثواه الاخير.. صور
- "ابدأ" تشارك بعدد من التوصيات المهمة لتطوير التعليم الفني في مصر
- رئيس جامعة الأقصر يستقبل رئيس معهد تكنولوجيا المعلومات "ITI"
- الغرف التجارية : خفض سعر الخبز السياحي بنسبة 45 ٪ بداية من الغد
يوميات مهندس مشاكس
كرم السوايسه
- السبت 24 أكتوبر 2020 8:08:38 ص
-
يكتبها: تامر راغب
واحد صديقي من السويس
قعد يسرح بيا جامد وقعد يقولي احنا بتوع السمك والجمبري .
احنا بتوع الكابوريا .
احنا الكرم كله .
انا : طيب ياسيدي ورينا الكرم الحاتمي .
صديقي : علي عيني وراسي ياهندسه .
انا : طيب انت مسافر السويس امته ؟
صديقي : الجمعه رايح صد رد واجيبلك اللي نفسك فيه .
طبعا فَرّحْت مراتي والولاد وقولتلهم حتاكلوا اكله سمك وجمبري وكابوريا حكااااايه
الولاد قعدوا يهيصوا من الفرحه ومراتي كان ناقص تزغرد .
العصر أذن وصاحبنا لا حس ولا خبر .
أذان المغرب .......صاحبنا لا حس ولا خبر .
أذان العشاء ......صاحبنا لا حس ولاخبر .
خلصنا صلاه السنه
والشفع والوتر
وصلاه الحاجه
رفعنا اكف الضراعه الي الله كي يصل صديقي بما لذ وطاب لنا .
ولكن تأتي الرياح بما لاتشتهي السفن .
الجوع قاتل وبدأت بطوننا تزمجر .
والولاد بيتعذبوا واحنا مش عاملين حسابنا نشتري أكل .
اضطرينا نوقد الموقد ونضع حجاره في الحله ونطفئ الانوار حتي يظن الصغار اننا نوقد النار لنطهوا الطعام حتي غافلهم النوم وراحوا في سبات عميق .
ومن يومها كل ما اقابله اقوله فين ياعم اكله السمك والجمبري ........يضحك ويعمل نفسه مش واخد باله .
شايفك وانت بتضحك ياصديقي العزيز .....مش حقول اسمك انت عارف نفسك كويس
انا راضي بحكمكم عليه يا اهل السويس
أسعد الله اوقاتكم ودمتم بخير
اترك تعليق