انا بحب كل الناس وكمان كريم مع اهلي وأصحابي كريم مع الناس البسيطه الغلبانه  بحب الخير لكل الناس بس الصراحه مش بقول كلمه حلوه ولا بصرح بمشاعري انا مش بخيل والله.



 

بس بحب كل الناس عايزه اقولك ان الحب والبخل كلمتين عكس بعض تماما انك تحب شخص بتديله كل حاجه هو مش محتاج منك فلوس هو محتاج كلمه حلوه مشاعر جميله وهنلاقي بخل المشاعر من اصعب أنواع البخل وساعات الواحد بيوصف بخل الفلوس بانه حريص شويه لكن بخل المشاعر.
اصعب حاجه ممكن تتعامل معاها لان دايما بنكون متعطشين الكلمه الحلوه الضحكه الحلوه اللمسه الحلوه أوقات كتير نسمع من أشخاص حوالينا انهم بيحبونا طيب فين دليل حبكم الحب عطاء دون حدود فالاهتمام لايطلب.
ولكن يجب ان تقف وقفه مع الشخص البخيل عاطفيا لان الحياه لاتستمر بدون العواطف والكلمة الحلوه المدح اللي كلنا بنستناه من الحين للآخر لان بطبعنا بنميل للحنيه الموضوع مش صعب اطلاقا ده من ابسط الأمور اللي ممكن نطلبها فالعاطفة والكلام اسهل حاجه ممكن تعملها بخل المشاعر زي أي مرض ممكن يتعالج بمنتهي السهولة لو تيقنت انك فعلا مقصر بينوا مشاعركم قولوا كلام حلو مش هتخسروا حاجه الكلمه الطيبه صدقه.
بقلم - صابرين جابر :

 







يمكنك مشاركة الخبر علي صفحات التواصل