شعر: اسماء كامل

جرَّبت تكُون 
علىٰ تكَّة!
قَلبَك رافِض 
يتشكَّى!
هَتبُوح إزاي ولمِين 
وانتَ لوَحدَك 
ف السِّكَّة!!

تضحَك وتدَارِي 
ف وَجعَك
وتقِيد بالعَافيَة 
ف شَمعَك
بَس الكِتمَان 
أحيَانًا 
بيفِيض فَ بيخنُق
دَمعَك 

إيدَك ع الخَد 
همُوم 
عَقلَك ف الفِكر
يعُوم 
مُتمَاسِك اوي 
مِن بَرَّة 
كَبَدك جُوُّاك
بيزُوم

قلمَك بيشَخبَط 
حَالَك 
تَايه وظلَامَك 
حَالِك 
عينَك سَارحَة 
وشَردانَة 
تتمنَّى الكُون 
يصفَالَك 

دَمعَك يُرقُص 
علىٰ جِفنَك 
نفَسَك تَقلان مِن 
فِكرَك 
مَكتُومَة الرُّوح
ف ضلُوعَك 
بتقُولُه يَاااااارب 
ف سِرَّك 

 



يمكنك مشاركة الخبر علي صفحات التواصل