معنى كلمة شيف

كلمات من دهب ..للشيف عوض الكومى

كلمات رائعه ومعبرة عن معنى كلمه شيف فى قاموس الطهى كلمة شيف مش معناها طباخ بقلم : الشيف عوض عبده الكومى

معنى كلمه شيف

بقلم : 
 الشيف عوض عبده الكومى

*شيف يعنى رسام وفنان.

* شيف يعني النظافه والجمال.
* شيف يعني الاحساس والنفس الجميل.
* شيف يعني العبقري في اختراع الاكلات الجديده.
* شيف يعني بينفذ اهم شي ف الحياه "الاكل" اللي ما حدش يقدر يستغني عنه.
* شيف يعني الثقافه والمعرفه بكل علوم الحياه (عشان يقدر يحافظ علي صحتك لان الشيف ما بيعملش الاكل وهو جاهل)

* ودا لانه لازم يعرف طبيعة الشعوب عشان يقدر يعملهم الاكل المناسب ..
* ولازم يعرف جميع الامراض واي هو الاكل اللي يتناسب مع كل مرض واي هو الاكل اللي ممكن يعمل حساسيه مع الشخص المصاب بمرض معين ..

* ولازم يعرف انواع البكتيريا والاماكن المتواجده فيها وازاي بتتنشط واي سبب وجودها بكل الاكلات وازاي يقدر يقاومها ويتغلب عليها علشان علي صحة الزبون..

* علشان كده الضيف المريض بمرض معين بيطلب مقابلة الشيف عشان يعرفه انه مريض بمرض معين والشيف بعلمه يقدر يطلع الاكل المناسب للضيف..

* لو الشيف ما عندوش المعلومه ومش عارف ... كان زمان الناس كلها ماتت؟؟
* الشيف من اكتر الناس الملتزمه و النضيفه و المبدعة و القويه،ومن اكتر الناس اللي بيحبوا شغلهم جدا...

* شيف :: يعني ما بيطلعش يقضي طلبات بيته وقت الشغل وما بينامش ويعطل مصالح الناس لان الشيف ملتزم جدا..
ببساطه جدا كل الحاجات اللي انت محتاجها هتلاقيها في الشيف..

* شيف: يعني اكتر شخص مثمر للسياحه واكتر واحد بيشرف بلده ..

* ملحوظه **

((الشيف بيلبس جاكيت ابيض نضيف))
اذا كان الدكتور والممرض بيلبسوا ابيض ،الشيف كمان بيلبس ابيض..
* واذا كانت مسئولياتهم كبيره ف الشيف مسئوليته اكبر لانه زي ما قلت ..هو واجهة الدوله في قطاع السياحه...

* لو الشيف مش كويس وشغله مش كويس ومشاكله كتيره مفيش سياح هتنزل البلد ..
* بعيدا عن المشاكل السياسيه ..

* وحتى ف المشاكل السياسيه الشيفات هم أصحاب المبادره ،،

*** هو ليه انت اخترت مهنة الطهي  ***

أولا ** مهنه صعبه جدا يا إما تشتغل قدام النار أو تمسك سكينه..

ثانيا**  الشيفات زي المحاربين كل واحد فينا بيتباهي بالندوب و الجروح و الحروق الناتجه عن المهنه..ولا يمكن يقدر ينساها لان هذا الجرح علمه اكتر..

ثالثا ** دايما شغلنا وقت ما كل الناس بتكون بتريح و بتحتفل و مبسوطه (اعياد، افراح، وأي مناسبات اخري) .

رابعا ** حياتنا الاجتماعيه تكاد تكون معدومه..

خامسا ** ضغط نفسي و عصبي رهيب الاوردرات و كومنتات الزباين وغياب بعض الناس اللي شغاله معاك بيحطك دايما تحت ضغط قوي جدا..

***  لذلك  ***

-اذا كانت لديك قدرة الاستحمال علي كل اللي فات ده كله بتكون مستمتع في الشغل ده..

**  يبقي انت فعلا شيف ! شيف ! شيف ! **

-احنا بنرسم البسمه علي وجوه عملائنا بطعم و نكهة الاكل..

-فإذا انطبق عليك كل الكلام ده , فابتسم فانت في المكان الصح







يمكنك مشاركة الخبر علي صفحات التواصل