لاعبة الاسكواش رنيم الوليلي تكشف لـ القاهرة الآن كواليس اعتزالها .. فيديو

قرار إعتزالي مش لإني زهقت.. أنا " حامل " ومستنية المولود في بداية 2021
 قرار عودتي بعد الانجاب صعب  لاني سأضطر لترك طفلي وده مش هيخليني اركز 
كنت عارفة أن هيجي يوم وأتوقف عن اللعب  بس مكنتش عارفة إمتى 
 جوزي متأثر  بالقرار لإني مش هسافر معاه بس الي خفف علي الطفل الي جاي في الطريق

كشفت لاعبة الاسكواش رنيم الوليلي الأكثر شهرة على مدار 18 عاماً عالمياً والمصنفة  الاولى عالمياً اسباب  قرار  إعتزالها قائلة " أخذت القرار لاني أنتظر أنا وزوجي  مولودنا الجديد والذي  يصل إلى الدنيا مع بداية العام 2021   "..

 

مشيرة  في مداخلة هاتفية مع برنامج " القاهرة الآن " المذاع على فضائية العربية الحدث الذ ي تقدمه الاعلامية لميس الحديدي" إلى  أنها إهتمت بالظهور الاعلامي وإيضاح الامر لان كثير من الجماهير إعتقدوا أن قرار الاعتزال  جاء لاسباب ملل ورغبة مني في الاعتزال   قائلة " ناس إفتكرت أني زهقت وهعتزل ومش عايزة أكمل "  وتابعت قائلة " الحمد لله لعبت سنوات كتيرة جداً وحققت حاجات كتيرة  مكنتش نفسي متخيلاها  .. أعتقد التوقيت مش وحش لقرار الاعتزال زي مالناس فاكرة " .


وحول فكرة عودتها مجدداً بعد الانجاب قالت "  في ناس عملت كده في السنوات السابقة وبالاخص لعبة التنس لان مواردهم المتوفرة لهم بتبقى أكتر بكتير وهذا يتيح لهم فرصة التنقل للخارج اثناء اللعب بصحبة فريق يتولى رعاية أطفالهم  لكن بالنسبة لي في لعبة الاسكواش سيكون الامر صعباً لاني لو عدت وسافرت للمشاركة في بطولة سااسافر بدون طفلي وهذا سيكون شبه مستحيل   ".

 


 واردفت قائلة " هذا مستحيل بالنسبة لي لاني مش هكون مركزة لو سبت طفلي  خاصة بعد أن وصلت للقمة ولن تكون عودتي بنفس الكفاءة لو قررت العودة  ومدة الغياب سيحدث فيها تطورات  في اللعبة نفسها  وبالتالي هرجع متأخرة وهضطر أدرب من أول وجديد " .

 


 وكشفت عن مشاعرها المختلطة لقرار إعتزالها  قائلة " من بداية لعبي للاسكواش محطتش لنفسي  فكرة أني هستمر في اللعب لسنوات طويلة  وكنت عارفة أن فيه خط  معين  هقف عنده لكن تحديد المدى الزمني له مكنتش أعرفه بس كنت عاملة حساب اللحظة  دي.. وكانت الفكرة  موجودة في دماغي  طول الوقت   وده سهل عليا القرار خاصة لو فيه حاجة عايزاها زي طفلي  ".

 


 مشيرة إلى أنها ستفتقد  بعد إعتزالها الناس وزملائها قائلة "   أكتر حاجة هفتقدها الناس خاصة أن اسرة الاسكواش كبيرة وكمان هفتقد المنافسة  لكن أنا عارفة ومتؤكده أن لعبة الاسكواش في أيادي أمينة  وكمان فيه اجيال ناشئة مشرفة  طالعه في الطريق "
 وكشفت أن زوجها  سعيد بالقرار رغم تأثره خاصة أنه يكره تغيير روتين الحياة وانه سيسافر بمفرده  لكن وصول الطفل في الطريق  خفف من اثر القرار عليه ".







يمكنك مشاركة الخبر علي صفحات التواصل