اهم فواكه المدبح

من مطبخ صابرين..سر نجاح تحمير الفشة للشيف مروة محمود

تعتبر الفشة من أهم فواكه المدبح التى تتناسب مع عيد الاضحى كما  ان هناك سر لسلقها وتحميرهاوتتبيلها وهذا السر سوف تقدمه لكم الشيف مروة محمود

الفشة 
وقت التحضير : ١٥ دقيقة
وقت الطهي : ٤٥ دقيقة
المكونات :
كيلو فشة
بصلة
توم
فلفل اسمر
ورق لورا 
حبهان
سمنة
الطريقة :
بتشترى الفشة لازم تكون طازة الجزار بيدهالك حتة واحدة او اتنين يعنى مش بيقطعها علشان انتى بقى تعرفى تقطعيها شرايح صغيرة كدة زى الكبدة بتحطيها فى الفريزر تتجمد شوية بتطلعيها و تبتدى تقطعيها بتبقى سهلة و ماسكة نفسها بعد كدة بتغسليها تحت ماء جارى كويس جدا كذا مرة و بعدين تنقيعها فى ملح و خل و ليمون و بعدين تغسليها تانى كويس لما تبقى بيضة فى الحلة على النار المية بتغلى بتنزلى فيها الفشة و عليها البصلة و التوم و اللورا و الحبهان و الفلفل الاسمر و تسيبيها لما تستوى بعد كدة بتطلعيها تهدى 
شوية و معلقتين سمنة على النار و تنزلى بالفشة و عليها معلقة توم وملح و فلفل اسمر و تشوحيها كويس ممكن تضيفى قرن فلفل اخضر لو عايزة و تقدميها مع بطاطس محمرة و مكرونة والف هنا .







يمكنك مشاركة الخبر علي صفحات التواصل