رئيس مجلس الإدارة
طارق لطفى
رئيس التحرير
أحمد سليمان
علاج الآم الظهر فى شهر الصيام
بقلم - الدكتور محمد قورة
زمالة علاج الالم التداخلي من المعهد العالمي لعلاج الالم التداخلي - ميامي - الولايات المتحدة الأمريكية
في هذه الأيام الجميلة ، ايّام المغفرة من شهر رمضان المبارك ، نجد كثيرا منا يسارع في العمل و العبادات و عشان كده حبيت أقول في المقال ده و خاصه لآبائنا و امهاتنا اللي بيتعبوا في صلاه التراويح و القيام و كمان من وقفه المطبخ لتحضير الفطار و السحور و أعمال المنزل ، ايه هي أسباب الم الظهر و ايه علاقة ده بالانزلاق الغضروفي و ازاي نحافظ علي نفسنا .
في البداية احب أقول معلومة مهمه جدا ان غالبا الانزلاق الغضروفي بيصيب الحالات الأصغر سنا اما بعد تقدم العمر بيكون المشكلة السائدة هي ضيق القناة العصبية وخشونة الفقرات.
و نقف عند موضوع خشونة الفقرات ده لان المريض لما بيعاني من ألم اسفل الظهر ممكن يكون بسبب حاجه مرضية و أهمها زي ما قلت خشونة الفقرات و كمان خشونة و التهاب مفصل الحوض الخلفي او الانزلاق الغضروفي الداخلي او مجرد التهاب في العضلات و لكن كتير من المرضي مش بتكون هي دي المشكلة.
بيكون في حاجات اهم من وجهه نظر الطب و هي ان المريض بيكون أسلوب حياته في مشاكل كتير منها الوزن الزائد و ضعف العضلات و عدم ممارسه الرياضة و علامات الشيخوخة و التقدم في العمر و كمان الهشاشة و بالتالي الحالة دي بيكون الشخص مش مريض و لكن لا يقدر علي اداء متطلبات الحياه اليومية و أشهرها في هذه الأيام صلاه التراويح لانها يتتطلب وقوف لمده اطول من اللي الشخص ده يقدر يتحملها لان عضلات الظهر بتقدر تستحمل لحد دقائق معدودة و بعد كده بيكون الحمل كله علي العمود الفقري و بالتالي يبدأ الالم.
عشان كده بننصحهم بتخفيف الوزن و الانتظام في الرياضه حتي لو كان حاجه بسيطه عشان كلنا ننبسط بحياتنا و نعيشها بدون الم.
اترك تعليق